Markaðssetning á íslensku kindakjöti á erlendum mörkuðum

Um árabil hafa sauðfjárbændur og afurðastöðvar þeirra stundað útflutning á kindakjöti frá Íslandi. Nú er í fyrsta skipti um árabil gefið út sameiginlegt kynningarefni með nýjum ljósmyndum af því kjöti sem er í boði. Tilgangurinn er að bjóða upp á kynningarefni sem nýtist öllum sláturleyfishöfum í markaðssetningu á lambakjöti á erlendri grund.

Ásamt því að bjóða upp á þennan vef er ýmislegt prentefni í boði, m.a. vandaður vörubæklingur og stuttur kynningarbæklingur.

Sláturleyfishafar sjá sjálfir um sölumál hver í sínu lagi og er áhugasömum bent á að hafa samband beint við þá í þeim efnum.

Kynningarefnið um „Iceland Lamb“ var unnið af útgáfu- og kynningarsviði Bændasamtaka Íslands fyrir Markaðsráð kindakjöts.

Nánari upplýsingar um starfsemi Markaðsráðs og sölumál íslensks kindakjöts gefur starfsmaður þess í netfangið ls@bondi.is.

Markaðsráð kindakjöts
Bændahöllinni við Hagatorg
107 Reykjavík, Ísland
Sími: 563-0300
Netfang: ls@bondi.is